Mapa horiek Gipuzkoan identifikatutako negozio-ereduaren arketipoak eta haien funtsezko ezaugarriak bistaratzen dituzte. Gipuzkoako industria-ehuna ordezkatzen duten 216 enpresaren negozio-ereduen xehetasunezko azterketatik abiatuta eraiki dira mapak. Lagin horretatik abiatuta Negozio-ereduaren arketipoak identifikatzeko, dimentsio anitzeko eskalamendua izeneko analisi-teknika aplikatu da. Teknika horri esker, datu multzo baten azpian dauden arketipoak identifika daitezke; kasu honetan, aztertutako 216 enpresen artean komunak diren negozio-ereduaren ezaugarriak.