Arketipoak
Hemen aurkituko duzu Gipuzkoan identifikatu ditugun negozio-eredu esanguratsuen 28 arketipoen deskribapena. Horietako bakoitzean sakondu dezakezu, aukeratuta. Arketipoaren, negozio ereduaren dimentsioen, lehiakortasun gakoen eta lotutako erronken deskribapen laburra aurkituko duzu. Arketipo horren pean lan egiten duen benetako enpresaren adibide bat ere ikusi ahal izango duzu. Gainera, arketipo bakoitzarekin zer beste negozio eredu dauden azter dezakezu.
Hainbat iragazki erabil ditzakezu zure bilaketa sektorearen edo ardatz estrategikoaren arabera mugatzeko (lehiakorrak zure sektorean, erresilientzia, industria adimenduna, digitalizazioa, zerbitizazioa eta ekonomia zirkularra).
Online
Eredu honen bitartez, azken bezeroarenganako orientazioa duten enpresak biltzen dira, produktuak eta zerbitzuak online salmentaren bidez eskaintzen dituztenak (B2C), merkaturatze eta banaketa sare propioekin. Bezeroak euren hornidura kateetan integratu dituzten enpresak dira, informazio eta komunikazio teknologien bitartez, eta, horri esker, eskaintza egokitu dezakete garatzen dituzten jardueretan, salmenta elektronikoaren bidez produktuak eta zerbitzuak eskaintzeaz gain.
Autozerbitzua
Eredu honen bitartez, enpresek balioaren sorrera bezeroei transferitzen diete, zerbitzuaren edo produktuaren prezio merkeagoaren truke. Ikuspegi hori bereziki egokia da bezeroari balio gutxi ematen dioten baina enpresarentzat kostu handiak eragiten dituzten zereginetarako.
Esperientzien salmenta
Eredu honen bitartez, enpresek proposamen bat garatzen dute, baina proposamen horren balioa ez datza produktu edo zerbitzu batean, baizik eta bezeroei eskaintzen zaien esperientzian. Enpresak arreta handiz diseinatutako inguruneak sortzen ditu bezeroak erakartzeko.
Ko-sorkuntza
Eredu honen bitartez, enpresek lankidetza harremana ezartzen dute bezeroekin, balioa elkarrekin sortzeko. Enpresek bezeroak integratu ditzakete beren berrikuntza prozesuetan, edo bezeroen eskura jar ditzakete behar diren bitartekoak, enpresak bere sormena ustia dezan, bien mesederako.
Freemium
Eredu honen bitartez, enpresek doan eskaintzen dute produktu edo zerbitzu bat, bezeroak konbentzitzeko itxaropenarekin, produktuen edo zerbitzuen "premium" bertsioengatik ordain dezaten. Doako eskaintzaren helburua da ahalik eta bezero gehien erakartzea enpresara, haren produktuetara eta zerbitzuetara, eta, aldi berean, bezeroen beharrei buruzko ezagutza sortzea.
Hornidura zirkularra
Eredu honen bitartez, ekoizpen prozesuetako intsumoak (lehengaiak eta erabilitako baliabideak) material, produktu edo azpiproduktu zirkularretan oinarritzen dituzten enpresak sartzen dira. Eredu hau duten enpresak energia iturri berriztagarriekin eta material birziklagarriekin hornitzen dira, prozesu batek sortutako hondakinak beste baterako intsumo gisa balia ditzakete, edo kontsumitu osteko hondakinak berreskura ditzakete.
